បន្ទាយមានជ័យ៖ កម្លាំងវរសេនាតូចថ្មើរជើងលេខ៥១៤ សហការជាមួយកម្លាំងចម្រុះ ព្រំដែន ឃាត់ខ្លួនពលករប្រុស-ស្រី បម្រុងលួចឆ្លងដែនទៅប្រទេសថៃដោយខុសច្បាប់ បានចំនួន១១នាក់(ស្រី៥នាក់) និងអ្នករត់កង់បីម្នាក់ ។
លោកវរសេនីយ៍ទោ ប៉ែន សុគន្ធ មេបញ្ជាការ វរសេនាតូចថ្មើរជើងលេខ៥១៤ ឲ្យដឹងថា មនុស្សទាំង១២នាក់នោះត្រូវបានឃាត់ខ្លួននៅត្រង់ចំណុចភូមិចំការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ កាលពីថ្ងៃទី២៨ ខែកញ្ញា ឆ្នាំ២០២១ ។
លោកមេបញ្ជាការ ក៏បានបញ្ជាក់ថា ក្រោយពីបានឃាត់ខ្លួនពលរដ្ឋទាំង១២នាក់នោះ ត្រូវបានធ្វេីកិច្ចសន្យាអប់រំណែនាំ រួចបញ្ជូនទៅក្រុមការងារចម្រុះនៅច្រកតំបន់អូរបីជាន់ ដេីម្បីពិនិត្យសុខភាព តេស្តរកកូវីដ-១៩ រួចបញ្ជូនទៅមណ្ឌលចត្តាឡីស័ក ១៤ថ្ងៃ មុននឹងអនុញ្ញាតឲ្យត្រលប់ទៅគេហដ្ឋានវិញ៕